Kohhran Hmeichhia
February 17, 2026 (Thawhlehni) khan Kohhran Hmeichhia chuan Synod Hospital Charity Fund atan Rs. 12,35,188.00 chu Director, Synod Hospital kutah Rev. Dr. K. Lallawmzuala, Executive Secretary i/c Kohhran Hmeichhiain a hlan.
Hei hi kum 2025 Kohhran Hmeichhe Inkhawmpui Lian Rorel ‘Synod Hospital, Durtlang Charity Fund leh John Williams Hospital, Lunglei tanpuina pualin vawi khat inkhawm ve ve thawhlawm lak khawm,’ tia alo rel tawh bawhzuina a ni.
Kristian Thalai Pawl
February 12-13, 2026 chhung khan K?P Sialhau Branch Golden Jubillee hmanpuiin T.Upa Rinsailova Sailo, Treasurer leh Pu TC. Lalhruaitluanga, Committee member te an kal.
Trust
February 13, 2026 (Zirtawpni) khan Buarpui Pastor Quarters chei that tur en puiin Pu Lalramenga Royte, JE a kal ang.
MSSU
February 13, 2026 (Zirtawpni) zan khan Sunday School Zirtirtu training neihpuiin trainer-te hetiang hian an chhuak:
Khatla South Kohhranah Upa H. Lalnghinglova.
Tuikhuahtlang Kohhranah Upa Hrilthansanga, Upa Lalsiammawia Pachuau leh Upa Dr. Lalhmachhuana.
February 14, 2026 (Inrinni) khan Sunday School Zirtirtu training neihpuiin trainer-te hetiang hian an chhuak:
Zemabawk East Kohhranah Upa K. Vanlalnghaka, Upa Zionparlawma leh Upa Lalliantluanga.
Zembawk North Kohhranah Upa Lalthanchhunga leh Upa V. Lalrindika.
Zamuang Bial ah Upa B. Lalhmunliana, Upa S. Kapzathanga leh Upa B. Malsawmtluanga.
Social Front
February 14-15, 2026 chhung khan Ruihhlo & Social Media, HIV/AIDS leh Drugs Awareness Campaign neiin campaigner-te hetiang hian an chhuak:
Khawlailung Bialah Upa Lalnunsiama Khalthang, Dr. Robert S. Halliday, Rev. Dr. Malsawmzoliana leh Rev. Z. John Malsawma Colney
Chiahpui Kohhranah Upa H. Lalnghinglova
February 16, 2026 (Thawhtanni) zan khan Tuithiang Kohhranah HIV/AIDS & Ruihhlo Awareness Campaign neiin Upa C. Chawngthantluanga, campaigner a kal.
Presbyterian English School (PES)
February 15, 2026 (Pathianni) khan Serchhip Bial chhung Kohhran hrang hrangah PES Campaign neiin Rev. Dr. Rosiamliana Tochhawng, Executive Secretary i/c Education, Upa PC Vanlalhruaia, Supervisor of Schools, Pu K. Lallianzuala, Secretary, Education Board leh committee member-te, Rev. Malsawmdawngliana leh Upa Dr. Lalrinmawia te an kal.
Mizoram Christian College (MCC)
February 13, 2026 (Zirtawpni) kha Mizoram Christian College (MCC)-a club hrang hrangte chuan ‘Club Day’ atan an hmang a, hetiang hian activities hrang hrang an nei:
Adventure Club:
Adventure Club te chuan Reiek tlang leh Khuangchera Puk, Ailawng-ah "One Day Training on Caving and Rapelling" hun an hmang a, zirlai 53 leh zirtirtu 4 an thawk chhuak thei a ni. Inter-College Youth Adventure Club (ICYAC) leh Govt. Aizawl College Youth Adventure Club (GACYAC) member-te'n hrui suih dan te, khama uai dan te an zirtir bakah puk chhungah an luhpui bawk a ni.
Agripreneur Club:
Agripreneur leh Chuailo Cultural Club te chuan College-ah hun hmangin, he hunah hian Vinco Farm Director Pu Nicholas Vanlalhumhima’n hun a hmanpui a. A topic atan hian ‘Turning Agriculture into Opportunity’ thlangin, Agriculture products hmanga ngaihtuahna thar seng a, eizawnna atana hman theih dan chungchang a sawi a. Zirlaite nen inkawm hona hun interactive session te neih niin, zirlaite atangin an business idea sawi chhuahna hun te hman a ni a, zirlaite hian an hlawkpui hle. He hunah hian Agripreneur Club leh Chuailo Cultural Club bakah Adventure Club ten an chhim bawk a, zirlai za chuangin he hun hi an hmang ho thei a, Vinco Farm lam hian an product te chu zirlaite hnenah a thlawnin an sem bawk a ni.
Art & Music Club:
Art & Music Club te chuan Field Visit neiin Thenzawl-ah an kal a, zirtirtu 5 leh zirlai 42 an tel thei a ni. He field visit-a kalte hian MV Handloom Training Centre tlawhin, Mizo Puan tah dante thlir hona neiin, Mizo puan tah dan inhrilh fiahnate neih a ni bawk a, a kalten an hlawkpui hle. Chawhnu lamah zirlai leh zirtirtute hian AH & Vety; Dilpui tlawh lehin, he hmunah hian intihhlimna chi hrang hrangte neih niin, hun hlimawm tak an hmang.
Literature Club:
Literature Club chuan ‘Book Talk’ an nei a, Pu F. Vanlalrochana, MPS hova hun hman a ni. He hun hi Aizawl Open Gym, MINECO-ah hman a ni a, MAL Book of the Year 2024 "Hun Inhera Kara Zofate" tih Pu F. Vanlalrochana ziak chungchang sawi hona hman a ni a, a ziaktu Pu F. Vanlalrochana leh zirlaite chuan zirlaite zawhna hrang hrang chhangin, lehkha chhiar hlutna leh pawimawhna a sawi. Hemi hnu hian Mizoram State Library tlawh leh nghal a ni a, section hrang hrangte tlawh kual niin zirlaiten an hlawkpui hle a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Khawhnai khuaa damlo mi pakhat hnenah Rs.10,000/-, Kawlbem khuaa damlo mi pakhat hnenah Rs.10,000/-, Rengdil Dinthara damlo mi pakhat hnenah Rs.10,000/-, Mamit Bazar Venga damlo mi pakhat hnenah Rs.10,000/- leh Kanhmun Venghluia damlo mi pakhat hnenah Rs.10,000/- pek a ni.