Vawiin (Nov. 18, 2025) atang khan ni thum chhung awh tur Synod Finance Committee, vawi 156-na chu J.M. Lloyd Hall, Synod Office-ah an thu tan a, meeting hian November 20, 2025 thleng a awh ang.
Meeting hi Rev. R.C. Lalnghakliana, Synod Moderator-in a kaihruai a, Rev. Dr. K. Lallawmzuala, Finance Officer-in report a pe.
Report-ah hian September atanga November 2025 chhunga Bial hrang hrang paruka Finance Campaign leh Account Training neih a nih thu te, FCRA Utilization Account tih nun chungchang te, Income Tax chungchanga hmalakna te, kum 2024-2025 chhunga Synod sum dinhmun tarlanna leh Financial report 2024-2025 peih fel a ni tawh thu te leh April 2025 atanga October 2025 chhunga sum dinhmun te tarlan a ni.
Tun tum meeting-ah hian thurel tura chhawpchhuah 12 a awm a, chung zingah chuan Synod Sum Vawn Dan en that rawtna te, Pastor Bial leh Kohhranten Synod PAN (Permanent Account Number) an hman phalsak chungchang te, Budget Head hming thlak leh siam rem chungchang te, Budget Head thar dah belh chungchang te leh 2026-2027 Budget Estimate te chu a langsar zualte an ni.
For more Pics Click Here