MSSU
November 1, 2025 (Inrinni) khan Tipa Bialah Sunday School zirtirtu training neihpuiin trainer-te, Upa K. Zoremsanga leh Upa K. Vanlalnghaka te an kal.
Mizoram Christian College (MCC)
November 4, 2025 (Thawhlehni) khan Research & Development Cell leh IQAC, MCC te buatsaihin ‘One Day Workshop on Practical Application of A.I in Teaching & Research’ chu Conference Hall, Lianchhiar Rùn, DIPR Aizawl-ah hman a ni.
He hunah hian Resource Person pahnih - Pu Lalengzuala (Informatics Officer, DICT, Govt. of Mizoram) leh Dr. C. Zoremsanga (Scientist D, NIELIT Aizawl) ten hun an hmang. Workshop-ah hian college hrang hrang leh MZU atangin faculty 30 leh Ph.D Research Scholar 45, an vaiin mi 75 an tel thei a ni.
Kristian Thalai Pawl
November 3, 2025 (Thawhtanni) zân khân Saitual Thalai Intawhkhawm (Kohhran hrang hrang Thalai Pawl telna) hun hmanpuiin Pu Lalruatfela, Asst. Leader leh committee member-te, Pu Nicholas Lalbiakzuala leh Pu Rochhingpuia te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Zokhawthiang khuaa damlo leh khawsak harsa chhungkaw 4 hnenah Rs.10,000/- theuh, Sihphir khuaa damlo leh khawsak harsa chhungkaw 2 hnenah Rs.10,000/- ve ve leh Zemabawk South-a damlo mi 1 hnenah Rs.10,000/- pek a ni.
October thla chhunga harsatna hrang hrang tawkte hnena Synod Relief Fund atanga chhawmdawlna sem zat chu Rs.5,45,000/- a ni.