Vawiin (Nov. 6, 2025) khan Chaltlang Presbyterian Kohhran Hall-ah Presbyterian Pastor Pension Fellowship (PPPF) ten intawh khawm programme an hmang.
Intawhkhawm hi hun hniha hman a ni a, hun khatna hi Rev. C. Rosiama, PPPF Chairman-in a kaihruai a. Rev. C. Kaphuliana, PPPF member-in hunserh a hmang a, Rev. Lalruatthanga, PPPF member-in Album 2025 a tlangzarh a, chawhma hunah hian ‘Kohhran, Social Media leh Technology’ tih thupui Rev. Dr. C. Lalhlira, PPPF member ziah chu zir ho a ni. Hemi hunah hian Female voice, Nunna Lal Faktute, Zarkawt Kohhran an zai bawk.
Hun hnihna hi Rev. Dr. Zaihmingthanga, PPPF Vice Chairman-in a kaihruai a, thupui sawi ho zuinaa hun hman a ni a, hun tawpah Rev. Dr. R. Lalbiakmawia, PPPF Asst. Secretary-in lawmthu a sawi a ni.
Presbyterian Pastor Pension Fellowship-ah hian Pastor pension apiang an tel zel a. Kum tinin intawhkhawm hi an nei thin a, infuih tharna leh inpawh tlanna hun hlimawm tak an hmang thin a ni. Tun dinhmunah PPPF-ah hian member 138 an awm mek a, 2025 chhung hian an member pasarihin chatuan ram an pan a ni.
For more Pics Click Here