Nizan (Nov. 4, 2025) khan YRC Convention Centre Hall, Falkland-ah KTP General Conference 2026 Hla Bu tlangzarh leh Ruihhlo Do Video Clip Result puanna neih a ni.
Tlangzarh inkhawm hi Pu F. Lalremruata, Chairman, Hla Bu & Zai hruai Sub-Committee-in a kaihruai a, Pu Vanlalremliana, Secretary, Hla Bu & Zai hruai Sub-Committee-in report a pe a, KTP General Conference 2026 Hla Bu hi Central KTP Leader, Rev. H. Lalawmpuia'n Pathian ropuina turin a tlangzarh a ni. Hemi hunah hian Mizoram Synod Choir te an zai bawk.
Conference Hla Buah hian hla 52 (Solfa 46, Lengkhawm 4, Chorus 2) a awm. Hla Bu man hi a pangngai Rs. 60, Spiral binding Rs. 80 leh A4 Size Rs. 150 a ni. KTP General Conference hi nakkum 2026, February 26 atanga March 1 chhunga neih tur a ni a, Conference thupui tur chu 'Lalpa tana mi hlang' (Sam 119:1-3) a ni a, Speaker tur chu Rev. P.C. Lalropuia a ni. Conference Hla Bu rual hian KTP Inkaihhruaina 2025 pawh hralh chhuah nghal a ni.
Conference Hla Bu tlangzarh rual hian Ruihhlo Do puala video clip insiamsiak result puan leh lawmman semna hun hman nghal a ni a, hetiang hi result a ni.
Pakhatna: Champhai Vengsang Branch
Pahnihna: Lunglei Bazar Veng Branch
Pathumna: Armed Veng North Branch
Consolation Prize dawngtute:
1. Bawngkawn Shalom Branch
2. Dinthar Branch
3. Vairengte Branch
4. Kulikawn Vengthlang Branch
5. Lunglei Ramthar Branch
Video Clip hi a vaiin 128 a lut a, Aizawl khawchhung 78, Aizawl pawn 48 leh Mizoram pawn atangin 2 te an ni.