Vawiin (Nov. 4, 2025) chawhma dar 10:00 khan Synod Social Front Committee vawi 202-na chu J.M. Lloyd Hall, Synod Office-ah an thu a, meeting hi Rev. R.C. Lalnghakliana, Synod Moderator-in a kaihruai a, Rev. Dr. K. Lallawmzuala, Secretary-in report a pe.
Report-ah hian Champhai Town Area chhunga Kohhran 32-ah Awareness Campaign neih a nih thu te, Mizo mipa thi rate sang mek tih ziaawm dan kawng zawnna atana Bookmark leh Leaflet siam a nih thu te leh May 8, 2025 leh November 4, 2025 inkara Kohhran hrang hrang 30-ah Awareness Campaign neih a nih thu te tarlan a ni.
Tun tumah meeting-ah hian thurel tura chhawpchhuah pasarih a awm a, chung zingah chuan Home hrang hrang nasa zawka tanpui chungchang te, Synod Rescue Home Quarters Type 2-a Toilet leh Bathroom dah belh chungchang te, Synod Rescue Home-a Staff Nurse rawih chungchang te leh 2026-2027 budget ruahmanna te chu a langsar zual te an ni.
For more Pics Click Here