Synod Information & Publicity (Synfo)
Synod Information & Publicity Dept. (Synfo) buatsaih ram pum huap Presbyterian English School (PES) puala PES Quiz a buatsaih Screening Test chu October 7, 2025 khan Centre 8 - Aizawl, Serchhip, Mamit, Kolasib, Champhai, Darlawn, Saitual leh West Phailengah te neih a ni.
Quiz-a tel tur hian school 80-in hming an thehlut a, heng zing atang hian school 73 ten screening test hi an nei a ni. Screening Test atang hian Final Round thleng turin mark hmu sang school 25 thlan chhuah an ni a, November 27, 2025 (Ningani) zan dar 6-ah Synfo Studio-ah intihsiakna an nei ang a, Top 5 thlan a ni ang. Top 5 thlan chhuah te hian November 28, 2025 (Zirtawpni) zan dar 6-ah Synfo Studio-ah intihsiakna an nei leh ang a, result puan leh lawmman sem nghal a ni ang.
PES Quiz-a pakhatna hian lawmman Rs.1,00,000/- (nuai khat), pakhatnain Rs.70,000/- (sing sarih) leh pathumnain Rs.50,000/- (sing nga) an dawng ang a, palina leh pangana in Rs.20,000/- ve ve leh school ti tha 20-te Rs.2,000/- theuh pek an ni bawk ang.
Kohhran Hmeichhia
October 14, 2025 (Ningani) khan Kulikawn Bial chhunga kohhran 4 ah Kristian chhungkaw campaign neihpuiin Pi Zothanpari, Ex-chairman, Pi Lalmuanpuii, Pi Vanlalduhi, Pi Lathanzami (N) te an kal.
October 14, 2025 khan Hmangaihna in chung chhawng khat sak belh chu Rev. Dr. K. Lallawmzuala, Executive Secretary-in Pathian hnenah hlanin thusawina hun a hmang.
Pi K. Vanlalrawni, Hmangaihna In Management Committee Chairman-in programme a kaihruai a, Hmangaihna In naupangte atangin item te neih a ni a, Synod Trust Department atangin Technical report ngaihthlak a ni bawk.
Kristian Thalai Pawl
KTP Rorel Inkhawm 2025 in Ruihhlo Do kawnga hmalak a rel bawhzuina kawng khat atan, CKTP chuan Branch tin hnenah Ruihhlo Dona lam hawi thuziak tar turin a ngen a, Branch tin ten bawhzuiin mahni veng hnai hmun remchangah te ruihhlo dona leh infuihna thuziak hoarding tar a ni.
Mizoram Christian College
Entrepreneurship Knowledge Cell, Mizoram Christian College leh Mizoram Startup Mission (MSUM) tangkawp huaihawtin October 10, 2025 khan ‘AGORA - The Entrepreneurship Festival of MCC’ hman a ni. He festival-ah hian chawhma lamah Panel Discussion hun hman a ni a, Panelist atan Pu Rinzuala (CEO, MSUM), Pi Zomawii Khiangte (Founder, Local All Natural Soda) leh Pu Lalrinfela (Founder, Fungki) te sawm niin, college dang 7 atangin zirlaiten he hun hi an rawn chhim thei a ni.
Chawhnu lamah Synod Higher Secondary School Class XI (Science) & Class XII (Science) zirlaite tan hun buatsaih leh niin, Speaker atan Pu Joel Lalbiakkima (Scientific Officer, MISTIC) hman a ni. Chawhma leh Chawhnu session bakah hian exhibition stall, food stall leh activity hrang hrang chhimtute tan buatsaih a ni bawk. (PIC AWM)
Campus Ministry
October 15-18, 2025 chhung hian PES Rabungah Tv Lalrinchhana,Counsellor, Pu C. John Saiparliana leh Upa K. Lalengzama te rawngbawlna neiin an kal.
Synod Relief Fund
Tun hnaia harsatna hrang hrang tawkte hnenah Synod Relief Fund atangin Bethlehem Veng a damlo 1 hnenah cheng Singkhat, Chhipphir Khua a damlo 1 hnenah cheng singkhat, Farkawn leh Farkawn chhimveng a leimin tuar chhungkaw 3 hnenah cheng singkhat sang nga theuh leh Fakawn khua a chhungkaw harsa pakhat hnenah cheng singkhat chhawmdawlna pek a ni.