October 2 - 5, 2025 chhung hian Presbyterian Youth Fellowship (PYF) Biennial Conference vawi 25-na leh Golden Jubilee lawmna chu Youth Recreation Centre (YRC), Falkland-ah Central KTP, Mizoram Synod-in a thleng mek a ni.
Inkhawmpui thupui hi, "The Lord Has Done Great Things for Us" (Psalms 126:3) a ni a. Rev. Lalchawiliana Varte, CHT Synod, Rev. Dr. Rosiamliana Tochhawng, Executive Secretary i/c Central KTP, Mizoram Synod, Rev. Dr. B. L. Nongbri, Principal JRTC leh Rev. D. C. Haia, PCI Moderator hlui ten thupui an sawi ang a. Pathianni zan inkhawmah Rev. S. C. Diengngan, PYF Leader kal chhuakin thu a sawi bawk ang.
October 3, 2025 (Zirtawpni) chawhma dar 10:00 atanga chawhnu dar 4:00 thleng hian Thuampui Venglai Kohhran Biak Inah ro rel a ni a. October 4, 2025 (Inrinni) nilengin Golden Jubilee lawmna hun hman a ni ang a, zanah Jubilee mei det a ni bawk ang. October 5, 2025 (Pathianni) zing dar 8:00-ah Lalpa Zanriah Sakramen buatsaih a ni ang a, nileng leh zanah vantlang Pathian biak inkhawm neih a ni ang.
PYF Biennial Conference leh Golden Jubilee lawmna hi Mizoram Synod TV - Hruaina Eng bakah YouTube lamah Synod Information leh Central KTP channel-ah live-a pek chhuah a ni.