Vawiin (Sept. 24, 2025) chawhma dar 10:00 atang khan Synod Executive Committee (SEC) vawi 314-na chu J.M. Lloyd Hall, Synod Office-ah an thu. Tun tum committee hian September 25, 2025 (Ningani) thleng a awh ang.
Meeting hi Rev. R.C. Lalnghakliana, Synod Moderator-in a kaihruai a, Upa Vanlalsawma Siakeng, Synod Secretary-in report a pe a, Rev. Dr. K. Lallawmzuala, Finance Officer-in report a pe bawk.
Secretary report-ah hian P.C. Wales General Assembly hmanpuia Synod Moderator, Rev. R.C Lalnghakliana leh Rev. V.L. Luaia Hranleh, Senior Executive Secretary te an kal thu te, MUHCS chungchanga Sawrkar hotute leh Synod OM te inkawm hona an neih thu te, Aizawl Theological College results chungchang te, Thawktu lak thar chungchang te, Tripura Synod kuta School pahnih hlan chungchang te, Guwahati Synod House hawn chungchang te, Synod Telephone Directory 2025 tlangzarh a nih thu te leh Kohhran Dinnghehna leh indanna pek thu te tarlan a ni.
Tun tumah hian thurel tura chhawpchhuah 41 a awm a, chung zingah chuan – BSI, Aizawl Auxiliary Chief Translator chungchang te, Kohhran leh a hnuaia Sub-Committee te minute ziah dan tur inang tlang hman chungchang te, MKHC-a tel zel dan tur chungchang te, Medical insurance chungchang te, Central KTP Hruaitu ruat dan chungchang te, Ruihhlo ti ve lote chungchanga Synod Social Front rawtna te, FG&CC Counselling Centre hawn belh chungchang te, PCI Dan Bu Mitdel hawrawp (Braille Alphabet)-a print chungchang te leh MUHCS (Mizoram Universal Health Care Scheme) chungchang te chu a langsar zualte an ni.
For more Pics Click Here