August 25-September 1, 2025 chhung khan Family Guidance & Counselling Centre (FG&CC) buatsaih, 'Church Leaders’ Pastoral Counselling Training vawi 41-na' neih a ni.
Training-ah hian Sihphir Vengthar Bial, Ramhlun Bial, Kulikawn Bial, Khatla Bial, Vaivakawn Bial, Sakawrtuichhun Bial, Luangmual Bial leh Electric Veng Bial atangin kohhran aiawh mi 21 an tel.
August 25, 2025 (Thawhtanni) zan khan training hawnna inkhawm hi Pi Zaii Hall, Synod Conference Centre-ah neih a ni a. Inkhawm hi Rev. Lalsangbera, Resource Person-in a kaihruai a, Rev. Lalthangpuia Fanai, Director-in inlawmna neiin report a pe a, Rev. B. Zohmangaiha, Synod Secretary-in training programme hi hawngin thuchah a sawi a ni.
Training kharna inkhawm hi September 1, 2025 (Thawhtanni) zan khan neih a ni a, Rev. Lalthangpuia Fanai, Director, FG&CC-in a kaihruai a, inlawmna leh lawmthu sawina Rev. Dr. K.M. Vanlalpeka, Resource Person-in a nei a, Rev. Dr. K. Lallawmzuala, Executive Secretary-in training chhuakte hnenah Certificate semin thuchah a sawi. Trainee-te hian an hlawkpui dan a lema an ziak chu entirin an hrilhfiah a, trainee-te aiawhin Upa Upa K. Lalhmingliana’n thu tawi a sawi bawk. Rev. Dr. L.H. Rawsea, committee member-in Trainee-te tana tawngtaisakna hun a hmang a ni.
Synod hian Counselling Centre 9 - Mission Veng, Bawngkawn, Vaivakawn, Champhai, Serchhip, Kolasib, Lunglei, Mamit leh Khawzawlah te a nei a, heng Counselling Centre pakuaah hian August 7, 2025 thlenga pantu (client) an neih tawh zat chu 83,243 a ni a, kumin 2025 bikah mi 3,229 an nei tawh a ni.
FG&CC hian Pastor leh Kohhran hruaitute puala Counselling Training a buatsaih thin bakah Kohhran mal, Bial huap, Presbytery huap leh District khawpuiah te Kristian Chhungkaw Seminar, Campaign leh Counselling Awareness Campaign te a buatsaih thin bawk.