September 1, 2025 (Thawhtanni) chawhnu dar 2 khan, Synod Higher Secondary School-a RCC Underground Water Tank thar chu AMC Executive Corporator, Pu Lalringliana'n a hawng a, Rev. Dr. Rosiamliana Tochhawng, Synod Executive Secretary-in Pathian hnena hlanna hun a hmang bawk.
Programme hi Pu Lalremchhunga Pachuau, Synod Higher Secondary School Vice Principal-in a kaihruai a, Pu K. Lallianzuala, Principal-in lawmthu sawi a bawk.
RCC Underground Water Tank hi tui litre nuai khat leh singkua (1,90,000 litres) dawn khawl theihna hi Aizawl Municipal Corporation-in Synod Higher Secondary School tana a thlawna a siamsak a ni a. July, 2024-ah a siam hna thawk tanin, December, 2024-ah hna zawh fel a ni. He Water Tank hi cheng nuai sawmhnih leh pali (Rs. 24,00,000/-) senga siam a ni.
Tin, hemi rual hian, Synod Higher Secondary School Counselling Room thar chu Rev. Dr. Rosiamliana Tochhawng, Executive Secretary i/c Education chuan hawngin, Pathian hnena hlanna hun a hmang bawk.
For more Pics Click Here