Vawiin (Aug. 31, 2025) hi Kohhran ni pawimawh ‘Ramthar Ni’ a ni a, Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a nih vangin Mizoram Presbyterian Kohhran tan ni pawimawh bik a ni.
Kum 1972 Mizoram Synod Inkhawmpui chuan, Synod Ramthar Board-in, 'August 31 Pu Zosaphluia Mizorama a lo thlen ni hi Synod Ramthar Ni atan hman ni se,' tia a rawtna chu pawmin kum 1973 atang khan August 31 chu Ramthar Ni atan hman tan a lo ni ta a ni.
Mizoram Presbyterian Kohhran chuan kumin Ramthar Ni pual hian tum khat inkhawm atan programme a siam a, thupui inang tlang 'Pain kei mi tir ang bawkin ka tirh che u hi' tih chu zir ho a ni ang.
Ramthar Ni denchhenin Synod Mission Board-a thawktute Ramthar Campaign-in hetiang hian an chhuak :
Dawrpui Kohhran -
Rev. Dr. Rosiamliana Tochhawng, Executive Secretary
Chaltlang Lily Veng Kohhran -
Rev. R. Lalhmingsanga, Mission Board Secretary
Kulikawn West Kohhran -
Pu Lallawmnakima Hmar
Kanan Kohhran -
Pu T.C Lalruatfela, Pi C. Lalhmangaihzuali leh Pu B. Lalringliana
Khawruhlian Bial -
Pu K. Laldawngliana, Pu R. Lalringliana, Rev. K.C. Vanlalduha, Rev. Dr. Lalchawimawia, Pu K. Lalrammawia leh Pu P.C. Zolianzuala
Thuampui Venglai Kohhran -
Pu HCT Chuaukhuma