Trust
August 21, 2025 (Ningani) khan Thingsulthliah Pastor Quarters sak mek enpuiin Pu Lalhriatrenga, J.E a kal.
August 25, 2025 (Thawhtanni) khan Lungleng Pastor Quarters thawm that tur en felin Pu Lalramenga Royte, J.E a kal.
MSSU
August 23, 2025 (Inrinni) khan North Hlimen Bialah Sunday School zirtirtu training neihpuiin trainer-te, Upa K. Vanlalnghaka leh Upa Lalsiammawia Pachuau te an kal.
SL&PB
August 23-24, 2025 chhung hian Champhai Kahrawt Bialah Literature Seminar leh Campaign neiin Rev. Dr. K. Lallawmzuala, Executive Secretary leh Rev. P.B. Zosapthara, Editor te an kal a, ni 23 (inrinni) nilengin Mizo tawng humhalh Seminar neih a ni a, inrinni zan atangin Bial chhung kohhranah literature campaign-in hun an hmang a ni.
Kristian Thalai Pawl
August 24, 2025 (Pathianni) zan khan Tanhril MZU Veng Kohhran bultumin, MZU Zirlai Pual Inkhawm neih a ni a, Central KTP Committee, Mizoram Synod Choir leh zaithiamte nen hun hman a ni.
Inkhawm hi Rev. Benny Lalmawia, Bialtu Pastor-in a kaihruai a, Rev. H. Lalawmpuia, Central KTP Leader-in Pathian thuchah a sawi a, Mizoram Synod Choir, Tanhril Bial Zaipawl, Tv. Samuel Lalmuanchhana, Armed Veng Branch, Nl. Laldinsangi, Champhai Vengthlang Branch leh Tanhril MZU Veng Branch KTP te an zai a ni. In khawm banah Fellowship neih leh a ni.
Inkhawmah hian MZU zirlaite bakah, Aizawl College of Nursing zirlai thahnem tak an tel bawk a, inkhawm zawng zawng hi mi 540 an ni.
MZU Zirlai Pual Inkhawm hi hmun hrang hrang atanga MZU a lehkha zir, hostel-a awm ten Kohhran an belh theih nana hmalakna pakhat a ni.
Social Front
August 24, 2025 (Pathianni) khan Political Education leh Moral Reforms Awareness Campaign neiin campaigner-te hetiang hian an chhuak:
Political Education - Chhinga Veng Kohhran ah Rev. Dr. Lawmsanga
Moral Reform - Dawrpui Kohhranah Rev. H. Vanlalhriata
Presbyterian English School (PES)
August 25, 2025 (Thawhtanni) khan Tuirial Airfield Kohhran PES hawn thar dil enfiahin Rev. Dr. Rosiamliana Tochhawng, Executive Secretary leh Nl. Lawmsangzuali, O/A te an kal.
August 25-26, 2025 chhung khan New Vervek Kohhran PES hawn thar dil enfiah leh PES awmsa thenkhat tlawhin Upa P.C. Vanlalhruaia, Supervisor of Schools, Pu K. Lallianzuala, Education Board Secretary leh Upa Lalthanzama, PES committee member te an kal.
August 27-28, 2025 chhung khan PES Republic Veng chuan an school Silver Jubilee pualin Exhibition an buatsaih a. Exhibition hi Upa PC Vanlalhruaia, Supervisor of Schools, PES Mizoram Synod-in a hawng a, exhibition-ah hian Department hrang hrang - Archives, English, Art, Science, SS leh Mathematics a naupang ten an thiam thil an phochhuak a ni.
Worship
August 26, 2025 (Thawhlehni) khan Khuangleng South Kohhranah Music training neihpuiin Tv. Samuel Vanlalhruaitluanga, Music Instructor leh Tv. Lalbiakfela, trainer te an kal.
Mizoram Christian College (MCC)
August 25, 2025 (Thawhtanni) khan Mizoram Christian College NSS bul tumin Devotion hunah ‘Mental Health Awareness’ hun hman a ni a. He hunah hian Rebecca Lalnundiki, Clinical Psychologist-in thu sawiin, Rilru hrisel nei tura thil pawimawh hrang hrangte a sawi a ni.
August 25, 2025 (Thawhtanni) khan Mizoram Christian College IQAC leh Career Guidance & Counseling Cell tangkawp chuan 5th Semester zirlaite tan ‘Sensitization Workshop on the Common University Entrance Test (CUET)’ an buatsaih. He hunah hian Dr. Hannah Lalhlanpuii, Assistant Professor, Department of English, MCC chu Resource Person a ni a. Zirlaite chu CUET Exam an hmachhawn hun atana an inbuatsaih dan tur te, application kalpui dan tur te leh thil pawimawh hrang hrangte a sawi a. MCC zirlai kal chhuak tawhte zing atangin an experience ngaihthlak a ni bawk.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Chhingchhip Venglaia damlo mi pathum hnenah Rs.10,000/- theuh leh Saihapui V-a damlo mi pahnih hnenah Rs.10,000/- ve ve pek a ni.