Worship
July 23-25, 2025 chhung khan Zai hruai training neihpuiin Samthang, Kawlkulh leh Kawlkulh North-ah te Pu Benjamin Sailo, Music Instructor leh Pu T. Laldintluanga, Trainer te an kal.
July 26, 2025 (Inrinni) khan Tanhril Kohhranah Zai hruai training neihpuiin Tv. H. Lalthazuala, Music Instructor leh Pu K. Lalhmangaihzuala, trainer te an kal.
Social Front
July 27, 2025 (Pathianni) khan Sihphir Vengthar Bialah ‘Tleirawl ten nun kawng dik an zawh theih nana Nu leh Pa te inzirtirna’ Awareness Campaign neiin campaigner-te, Rev. V.L. Krosschhuanmawia, Rev. Dr. F.H. Liansangzuala leh Rev. H. Lalbiakhluna te an kal.
SL&PB
July 26-27, 2025 chhung khan Lawngtlai Bialah Literature Seminar/Campaign nei turin Rev. PB Zosapthara, Editor leh Upa Lalthanliana, BEC te an kal.
MSSU
July 26, 2025 (Inrinni) khan East Lungdar Venghlun Bialah Sunday School zirtirtu training neihpuiin trainer-te, Upa K. Zoremsanga leh Upa H. Lalremruata te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Serchhip Vengchung bial chhunga leimin tuar chhungkaw 21 hnenah Rs.3,39,000/-, Khawmawi leh Khawmawi Vengthara raltlan chhungkaw 16 hnenah Rs.80,000/-, Sihthiang Vengthara leimin tuar chhungkaw pakhat hnenah Rs.12,000/-, Kawnpui Venglaia damlo mi pathum hnenah Rs.10,000/- theuh, Dilkawn khuaa damlo mi pahnih hnenah Rs.10,000/- ve ve, Manikbond-a damlo mi pakhat hnenah Rs.10,000/-, Tuidam khuaa damlo mi pakhat hnenah Rs.10,000/-, Lawipu Venga khawsak harsa chhungkaw pakhat hnenah Rs.10,000/- leh Cherhlun khuaa damlo mi pakhat hnenah Rs.10,000/- pek a ni.