July 31, 2025 (Ningani) chawhma dar 11:30 khan Synod Hospital, Durtlanga 3 Tesla MRI khawl thar leh room chu Rev. R.C. Lalnghakliana, Synod Moderator-in Pathian hnena hlanna leh hawnna hun a hmang.
Khawl thar hlanna inkhawm hi Rev. Dr. K. Lallawmzuala, Executive Secretary i/c Hospital-in a kaihruai a, Rev. R.C. Lalnghakliana, Synod Moderator-in Pathian hnenah hlanin a hawng a. Dr. Lalnunnemi, Medical Superintendent-in MRI khawl lei tura Synod-in a rel dan te, hmalak dan te, tihhlawhtlin a nih tak dan leh technical report a pe a, Dr. R.L. Sanghluna, Director, Synod Hospital-in lawmthu a sawi a ni.
Siemens Magnetom Lumina 3 Tesla MRI khawl hi Rs. 14,80,00,000/- (cheng nuai sangkhat zali sawmriat) man a ni a, March 30, 2025-ah Hospital a thleng a, a dahna room siam leh installation-te tihfel hnuah hman theihin hawn a lo ni ta a ni.
Siemens Magnetom Lumina 3 Tesla MRI thatna bik chu:
1. A scan chhung a rei lo bik.
2. A fiah bik em em.
3. Damlo mutna leh a khawl a len avangin damlo tan a nuam.
4. Cancer screening-na atana hman tlak tak a ni.
5. 3 Tesla hi thluak, ruh chuktuah leh tihrawl en nan a tha bik.
6. Bio-metric leh artificial intelligence technology hmang a ni.
Siemens Magnetom Lumina 3 Tesla MRI hi Mizoramah chuan a hmasa ber a ni a, North East-ah hian 3 Tesla MRI hi 10 chauh ala awm a ni.
MRI Booking ti duh tan leh a rate hre chiang duh tan 8731863609 ah hian zawh fiah theih a ni.