Department Activities - July 17, 2025
July 17, 2025 | DEPARTMENT ACTIVITIES
Revival Dept
Hulhliap Short Stay Center, Synod Revival Camping Centre, Neihbawia neih chu July 12, 2025 (Inrinni) khan a thawhkhatna an zo fel a, a tirah mi 256 an lut a, a tawp thlenga awm hi mi 119 (Mipa 105 leh Hmeichhia 14) an ni. Camp luh ni atanga ni 10 chhung hi Detoxification atan hman a ni a, a hnu ni nga dang hi Clinical Counseling atan hman a ni a, chumi hnuah ni nga dang Spiritual Therapy atan hun hman leh a ni. Detoxification leh Clinical Counseling chhunga senso hi sawrkarin a tum a ni.
Camp chhuakte hi thla thum chhung vil chhunzawm an ni ang a. Rilru leh damdawi lama mi thiam rualin a tul angin an enkawl chhunzawm dawn a ni.
A thawhhnihna hi July 21, 2025 (Thawhtanni)-ah tan leh tur a ni a. Thawhhnihna hi chu mipa, damdawi-a harsatna neite tan chauh ruahman a ni a. Zu vanga buai leh hmeichhe tan chuan a luh theih dawn loh a ni.
MSSU
July 11, 2025 (Zirtawpni) khan Chaltlang Kohhranah Sunday School Zirtirtu training neihpuiin trainer-te, Upa Lalthanchhunga leh Upa K. Zoremsanga te an kal.
July 12, 2025 (Inrinni) khan Vanzau Bialah Sunday School Zirtirtu training neihpuiin trainer-te, Upa K. Vanlalnghaka leh Upa Danny Lalremmawia te an kal.
Kristian Thlai Pawl
July 11-13, 2025 chhung khan Khawzawl Venglai Bial KTP Meet & Missionary Challenge hmanpuiin, Rev. H. Lalawmpuia, Leader, Tv. P.C. Lalthanmawia, committee member leh Mizoram Synod Choir te an kal.
July 11 - 13, 2025 chhûng khan Saipum Bial KTP Intawhkhawm vawi 2-na hmanpuiin Pu Lalruatfela, Asst. Leader leh Pu Lalruatpuia, committee member te an kal.
SL&PB
July 11-13, 2025 chhung khan Literature Seminar/Campaign neiin Lungkawlh Kohhranah Rev. PB Zosapthara, Editor leh Rev. Biaksailova, campaigner te an kal.
Kohhran Hmeichhia
July 12-13, 2025 chhung khan Leadership Training, Kristian Chhungkaw Campaign leh Retreat neihpui turin Central Kohhran Hmeichhe Hruaitute hetiang hian chhuak:
Vairengte Chhim Veng Bialah, Pi Vanlalhluni, Treasurer, Dr. Lalthansangi Fanai, Ex-Officio, Pi Lalrammawii, committee member leh Pi Lalrindiki, committee member
Champhai Kahrawt Bialah, Pi K. Vanlalrawni, Chairman, Pi C. Rosangpuii, committee member, Pi Chuauzikpuii, committee member leh Pi H. Lalthasiami, committee member
Social Front
July 12-13, 2025 chhung khan Sailam Kohhranah ‘Pianpun & Kristian Chhungkua Campaign’ neiin Rev. R. Lalengzauva, campaigner a kal.
Mizoram Christian College (MCC)
Mizoram University hnuaia Even Semester 2025 Under Graduate exam result chu a chhuak kim tawh a. Mizoram Christian College-in result an neih dan chu hetiang hi a ni:
2nd Semester-ah zirlai 110-in exam an hmachhawn a, zirlai 89-in an pass a, pass percentage chu 80.91% a ni a. 4th Semester-ah zirlai 101-in exam an hmachhawn a, zirlai 93-in an pass a, pass percentage chu 92.08% a ni a. 6th Semester-ah zirlai 68-in exam an hmachhawn a, zirlai 64-in an pass a, pass percentage chu 94.12% a ni.
A pumpuiah zirlai 279-in exam an hmachhawn a, zirlai 246-in an pass a, pass percentage chu 88.17% a ni.
Tun dinhmuna MCC-in zirlai an neih dan chu hetiang a ni:
1st Semester - 131
3rd Semester - 110
5th Semester - 103
Zirlai zawng zawng 344 an awm a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Zemabawk East leh Zemabawk South-a leimin tuar chhungkaw pasarih hnenah Rs.84,000/-, Bethlehem Vengthlang leh Bethlehem Venglaia damlo mi paruk hnenah Rs.60,000/-, Diltlang khuaa khawsak harsa chhungkaw pakhat hnenah Rs.10,000/-, Bunghmun North-a damlo mi pakhat hnenah Rs.10,000/- leh Sihfa North-a damlo mi pakhat hnenah Rs.10,000/- pek a ni.
June thla chhunga harsatna hrang hrang tawkte hnena Synod Relief Fund atanga chhawmdawlna sem zat chu Rs.23,70,000/- a ni.
