Campus Ministry
June 26-27, 2025 chhung khan PES, Cherhlunah rawngbawlna neiin Rev. H.L. Thianghlima, Director leh Tv. Lalrinchhana, Counselor te bakah Resource person Upa Lalnunsiama Khalthang leh Pu C. John Saiparliana te an kal.
He hunah hian zirlaite hnena rawngbawlna bakah zirlai nu lah pate nen "Nu leh Pa zan" an hmang bawk.
Kristian Thalai Pawl
June 27-29, 2025 chhung khan Hmarchhak Presbytery KTP Meet vawi 7-na, N.E. Khawdungsei Kohhran Biak Inah hman a ni a, hemi hunah hian CKTP hruaitute Pu C. Lalkhawngaiha, Asst. Secretary, T.Upa David Lalfakawma, committee member leh Mizoram Synod Choir te an kal.
June 28-29, 2025 chhung khan New Serchhip Bial Members' Meet, New Serchhip Kohhran Biak Inah neih a ni a, hemi hunah hian CKTP hruaitute Pu Lalruatfela, Asst. Leader leh Pu T.C. Lalhruaitluanga, committee member te an kal.
June 28&29, 2025 chhung khan East Lungdar Venghlun Bialah Mipat hmeichhiat hman khawloh leh Ruihhlo that loh zia leh a do dan tur inzirtirna awareness campaign neihpuiin CKTP hruaitute Pu F. Lalremruata, Fin. Secretary leh committee member-te, T.Upa Laltlanthanga leh Upa C. Malsawmtluanga te an kal.
MSSU
June 28, 2025 (Inrinni) hian Chhawrtui Kohhranah Sunday School Zirtirtu training neihpui turin trainer-te, Upa B. Lalhmunliana, Upa Zionparlawma leh Upa Danny Lalremmawia te an kal ang.
Social Front
June 28-29, 2025 chhung khan E. Lungdar Bialah Ruihhlo that lohzia inzirtirna campaign neiin Upa Peter Zohmingthanga, campainger a kal.
June 29, 2025 (Pathianni) khan College Veng Kohhran, Kolasib-ah Social Media chungchang Awareness Campaign neiin Upa Lallianmawia, campaigner a kal.
June 29, 2025 (Pathianni) khan Bungkawn Kohhranah Social Media, Mipat Hmeichhiatna leh Moral Reforms Awareness Campaign-in Rev. Dr. K.M Vanlalpeka, campiagner a kal.
Finance
June 28, 2025 (Inrinni) khan Chawnpui Bialah Sum Vawn dan Training neihpuiin thawktute, Pu Zaihmingthanga Fanai leh Upa Vanlalrawna Khiangte te an kal.
Synod Literature & Publication Board (SL&PB)
June 30, 2025 (Thawhtanni) khan Bethlehem Bialah Mizotawng humhalh chungchang zir hona neihpuiin Pi Rinsailovi, Jt. Editor leh Upa Prof. H. Lalthanzara, BEC member te an kal.
Worship
Synod Music School chuan June 28, 2025 (Inrinni) khan Synod Conference Centre, Pi Zaii Hall-ah Music Recital vawi 8-na an hmang.
Recital-ah hian Piano zirlai mi 74, Violin zirlai 13 leh Vocal zirlai mi 15 ten thla ruk chhunga an zir te, mawi leh thiam takin an pholang a, zirlai nu leh pa ten an tawiawm a. Zirlaite hi Certificate pek vek an ni.
Synod Music School-ah hian nitin Keyboard, Violin leh Zai zirna (Vocal) kalpui a ni a, kum khatah session hniha kalpui a ni. Tonic Solfa leh Staff Notation zirna pawh zingkarah Synod Music School, Synod Office Annex-ah leh Bawngkawn Kohhran Hall-ah nitinin neih thin a ni a, thla thum course (Intermediate) niin March – May, June – August leh September – November-ah te neih thin a ni.
Trust
July 1, 2025 (Thawhlehni) khan Synod Trust department hotute leh Contractor Upa CT Mawia te Mizoram Christian College (MCC) sak mek hnathawh kal dan, thlen chin leh hmabak te enin an kal.
Mizoram Christian College (MCC) building sak mek hi January 9, 2024 khan College Compound, Tanhrilah lungphum phum a lo ni tawh a, CZS Construction, Kolasib-in a sak hna an thawk a ni.
July 3, 2025 (Ningani) khan Kawnpui Pastor Quarters siamthat ngaite en felin Pu Lalramenga Royte, J.E a kal.